کل رات پولیس بنی گالا پہنچی، نوجوانوں کی تعداد دیکھ کر واپس گئی، اسد عمر
اسلام آباد (92 نیوز) - رہنما پی ٹی آئی اسد عمر کا کہنا ہے کل رات پولیس قیدیوں کی گاڑی کے ساتھ بنی گالا پہنچی۔ نوجوانوں کی بڑی تعداد دیکھ کر واپس گئی۔
بنی گالہ میں پی ٹی آئی کے دیگر رہنماوں کے ہمراہ پریس کانفرنس کرتے ہوئے اسد عمر نے کہا کہ عمران خان پرامن سیاست پر یقین رکھتے ہیں۔ عمران خان کو حراست میں لینے کی کوشش کی گئی تو پھر جو ہو گا اس کے ذمے دار حکومت خود ہو گی۔
کل رات کو پولیس بشمول قیدیوں کی گاڑی کے بنی گالا پہنچی. نوجوانوں کی بڑی تعداد دیکھ کر واپس چلے گئے. اگر کوئی عمران خان کے خلاف حرکت کی تو جو ملک میں ہو گا اس کی ذمہ داری مکمل طور پر حکومت پر ہو گی. طاقت کے بل بوتے پر فیصلے کروا لو گے، یہ تمہاری غلط فہمی ہے #امپورٹڈ_حکومت_نامنظور
— Asad Umar (@Asad_Umar) May 21, 2022
عثمان ڈار نے کہا کہ عمران خان کے کھلاڑی کسی قیدی وین سے نہیں ڈرتے۔ اگر یہ سلسلہ جاری رہا تو سڑکوں پر دمادم مست قلندر ہو گا۔
فرخ حبیب کا کہنا تھا کہ شریف خاندان کا اقتدار میں آنے کا واحد مقصد مال بنانا ہے۔ پی ٹی آئی رہنماوں نے ایک بار پھر فوری انتخابات کا مطالبہ کیا۔