خواجہ سعد رفیق نے تحریک انصاف کو پاکستان کی آر ایس ایس قرار دیدیا

لاہور (92 نیوز) - وفاقی وزیرِریلوے خواجہ سعد رفیق نے تحریک انصاف کو پاکستان کی آر ایس ایس قرار دے دیا۔

جمعہ کے روز پریس کانفرنس کرتے ہوئے انہوں نے کہا کہ پی ٹی آئی  کارکنوں نے پولیس پر پٹرول بم پھینکے۔ عدالتوں پر اعتماد کا مشورہ دینے والے خود بھی قانون پر عمل کریں۔

خواجہ سعد رفیق نے کہا کہ عمران خان خود کو ریاست سے بالاتر سمجھتے ہیں۔ انہیں ہر صورت عدالت  جانا پڑے گا۔ سیاسی قیادت جتھے اور نو گو ایریا نہیں بنایا کرتی۔ چیئرمین تحریک انصاف پاکستان کے ساتھ کھیل کھیل رہے ہیں۔