جیکب آباد اور نواب شاہ میں جے یو آئی کا بلدیاتی انتخابات میں مبینہ دھاندلی کیخلاف احتجاج
جیکب آباد/ نواب شاہ (92 نیوز) - جیکب آباد اور نواب شاہ میں جمعیت علمائے اسلام (جے یو آئی) کے کارکنوں کی جانب سے بلدیاتی انتخابات میں مبینہ دھاندلی کے خلاف احتجاج کیا گیا۔
جیکب آباد میں مرکزی کال پر جمعیت علماء اسلام کے کارکنوں نے ضلعی دفتر سے لیکر ایس ایس پی آفس تک ریلی نکالی۔
شرکاء نے ہاتھوں میں بینرز اور پارٹی جھنڈے اٹھا رکھے تھے، بلدیاتی انتخابات میں مبینہ دھاندلی کے خلاف شدید نعرے بازی کی گئی۔
ادھر دوسری جانب نواب شاہ میں بھی جے یو آئی کارکنوں کی جانب سے بلدیاتی انتخابات میں مبینہ دھاندلی کے خلاف نعرے بازی کی گئی۔