اقتدار سے چمٹے رہنے کیلئے تم نے خطرناک کھیل کھیلا، مریم نواز کی عمران خان پر تنقید
لاہور (92 نیوز) - مسلم لیگ نون کی نائب صدر مریم نواز نے کہا کہ اقتدار سے چمٹے رہنے کیلئے تم نے خطرناک کھیل کھیلا، جھوٹ آج تار تار ہو گئے۔
آج تمہارے جھوٹ تار تار ہو گئے- اقتدار سےچمٹے رہنے کے لیےتم نے خطرناک کھیل کھیلا۔NSC جیسے سنجیدہ فورم کو سازشی ڈرامے کےلئے استعمال کیا۔Absolutely Not کا جھوٹا نعرہ ان اڈوں کےلیےلگایاجوکبھی مانگے ہی نہیں گئے تھے۔NRO کیلئےاسٹیبلشمنٹ کےترلے کیے،جھوٹ بولا کہ انہوں نے آپشن دیےتھے۔
جمعرات کے روز اپنے ٹویٹ پیغام میں انہوں نے عمران خان پر تنقید کرتے ہوئے کہا این ایس سی جیسے سنجیدہ فورم کو سازشی ڈرامے کیلئے استعمال کیا گیا، ’’ ابسلوٹلی ناٹ ‘‘ کا جھوٹا نعرہ ان اڈوں کیلئے لگایا جو کبھی مانگے ہی نہیں گئے۔
وقت آ گیا ہے تمہارے ایک ایک جھوٹ کا محاسبہ کیا جائے۔ کرسی کی خاطر قومی سلامتی سے کھیلنے کی قابل مذمت کوششوں کا محاسبہ کیا جائے۔ حوصلہ رکھو۔۔ اب سامنا کرنا، ہمیشہ کی طرح بھاگ نہ جانا کیونکہ یہ قوم تمہیں اب بھاگنے نہیں دے گی!#عمران_جھوٹا
— Maryam Nawaz Sharif (@MaryamNSharif) April 14, 2022
مریم نواز نے لکھا کہ این آر او کیلئے اسٹیبلشمنٹ کی منتیں کیں، جھوٹ بولا انہوں نے آپشن دیئے، وقت آ گیا ہے ایک ایک جھوٹ کا محاسبہ کیا جائے۔ مزید لکھا کہ حوصلہ رکھو، اب سامنا کرنا، ہمیشہ کی طرح بھاگ نہ جانا کیونکہ یہ قوم تمہیں اب بھاگنے نہیں دے گی!
