بھارتی الزامات پر خاموش نہیں بیٹھیں گے، جواب دینگے، شاہ محمود قریشی

اسلام آباد (92 نیوز) وزیرخارجہ شاہ محمود قریشی کا کہنا ہے چین کے ہاتھوں شرمندگی کے باعث بھارت منہ چھپاتا پھر رہا ہے۔ الزامات پر خاموش نہیں بیٹھیں گے، ہم بھی جواب دیں گے۔

شاہ محمود قریشی کا ردعمل میں کہنا ہے کہ سعودیہ، ترکی نے بھارت کے مقبوضہ کشمیرمیں فیصلے کو مسترد کیا۔ بھارت فالس فلیگ آپریشن کی تیاری میں مصروف ہے۔ کوئی شک و شبہ نہیں کہ بھارت کیا کرنے کی کوشش کر رہا ہے۔

انہوں نے کہا کہ مقبوضہ کشمیر میں ہر روز شہادتیں ہورہی ہیں۔ بھارت نے پاکستانی سفارتکاروں پر جاسوسی کے الزام لگائے۔ بھارت نے پاکستانی سفارتی عملے میں 50 فیصد کمی کرنےکا کہا۔

شاہ محمود قریشی مزید بولے کہ دہلی میں سفارتکاروں کیساتھ رویہ ویانا کنونشن کی خلاف ورزی ہے۔ بھارتی ہائی کمیشن 50 فیصد عملے کی واپسی کا سامان باندھے۔ بھارت جیسا کرے گا ویسا ہی جواب دیا جائے گا۔