حکومت ڈوب چکی اور ڈوبنے والے کا ساتھ کوئی نہیں دیتا، مریم نواز

جہلم (92 نیوز) - مسلم لیگ نون کی نائب صدر مریم نواز کہتی ہیں کہ حکومت ڈوب چکی اور ڈوبنے والے کا ساتھ کوئی نہیں دیتا۔

جہلم میں جلسہ گاہ روانگی سے قبل گفتگو میں انہوں نے کہا کہ نئے الیکشن ہی تمام مسائل کا حل ہیں، مزید بولیں حکومت کی ساری توجہ عوام کی خدمت کی بجائے نوازشریف اور شہبازشریف پر تھی تو یہی ہونا تھا۔

مریم نواز نے کہا کہ میری تمام بہنوں اور بھائیوں سے گزارش ہے کہ اسلام آباد کے کل کے جلسے میں ضرور شریک ہوں۔ اچھی خبر یہ ہے کہ عمران خان جا رہا ہے۔ پرانا پاکستان مبارک ہو۔