وزیراعلیٰ کی آمد سےقبل ملازمین نے متاثرین کے لواحقین کو ہسپتال سے باہر نکال دیا
کراچی(92نیوز)شاہ سے زیادہ شاہ کے وفاداروں نے انسانیت کی دھجیاں اڑادیں، وزیراعلیٰ سندھ کی آمد کی اطلاع پر بلدیہ ساوتھ کے ملازمین نے سانحہ شاہ نورانی کے متاثرین کو سول ہسپتال سے باہر نکال دیا۔
تفصیلات کےمطابق شاہ سے زیادہ شاہ کے وفادار بلدیہ اہلکار سول ہسپتال پہنچےاور وزیراعلیٰ کی آمد سے قبل صفائی کا کام شروع کردیا۔
بلدیہ ملازمین نے شاہ صاحب کی خوشنودی حاصل کرنے کیلئےانسانیت کی دھجیاں اڑادیں، سانحہ شاہ نورانی کے متاثرین کو سول ہسپتال کے مرکزی دروازے سے باہر نکال دیا۔
گزشتہ رات سے سول ہسپتال میں پیاروں کی تلاش میں سرگرداں متاثرین بےبسی کی تصویر بن گئے، متاثرین نے شکوہ کیا کہ مشکل وقت میں مدد کے بجائے زخموں پر نمک چھڑکا جارہا ہے۔
