ہمایوں سعید ’’ دی کراؤن سیزن 5 ‘‘ میں اہم کردار کیلئے منتخب

لندن (92 نیوز) نیٹ فلیکس نے پاکستانی اداکار ہمایوں سعید کو ’’ دی کراؤن سیزن 5 ‘‘ میں ایک اہم کردار کے لئے منتخب کرلیا۔

ہمایوں سعید برطانوی شہزادی لیڈی ڈیانا کے پاکستانی دوست ڈاکٹر حسنات خان کا کردار ادا کریں گے۔ سیریزمیں شہزادی کی زندگی کے کچھ حصے شامل کیے جائیں گے۔

ڈاکٹر حسنات لندن کے رائل برومپٹن اسپتال میں دل کے سرجن تھے، ڈاکٹر حسنات شہزادی ڈیانا کے ساتھ رہنا چاہتے تھے لیکن فوٹو گرافروں کے تعاقب کی وجہ سے یہ ناممکن تھا۔

ولی عہد سیزن 5 میں شاہی خاندان کے مختلف پہلو شامل ہیں جس میں امیلڈا اسٹونٹن ملکہ الزبتھ دوم، الزبتھ ڈیبیکی شہزادی ڈیانا اور ڈومینک ویسٹ پرنس چارلس کا کردار ادا کریں گے۔