پٹرول 10 روپے سستا کرکے آئی ایم ایف معاہدے کی خلاف ورزی کی گئی، شاہد خاقان

اسلام آباد (92 نیوز) ۔ رہنماء مسلم لیگ ن شاہد خاقان عباسی کہتے ہیں پٹرول 10 روپے سستا کرکے آئی ایم ایف معاہدے کی خلاف ورزی کی گئی۔

منگل کے روز احتساب عدالت کے باہر میڈیا سے گفتگو کرتے ہوئے انہوں نے کہا کہ قوم کو اب بیس روپے لوٹانا پڑیں گے، حکومت کو آٹا، چینی اور اشیائے خوردنی سستی کرنا چاہئے تھا۔

شاہد خاقان بولے کہ تحریک انصاف کی حکومت سب سے زیادہ کرپٹ ثابت ہوئی، ان کے دن گنے گئے، یہ جانے والے ہیں، قانونی طریقے سے حکومت کو گھر بھیجیں گے۔

لیگی رہنماء نے مزید کہا کہ چیئرمین نیب عوام کے سامنے بتائیں ن لیگ کی حکومت میں کونسی کرپشن ہوئی، چیئرمین نیب ٹی وی پر آکر میرے ساتھ مناظرہ کرلیں۔