حکومت کا آرٹیکل 63 اے کی تشریح کیلئے سپریم کورٹ میں ریفرنس فائل کرنے کا فیصلہ
اسلام آباد (92 نیوز) - حکومت نے آرٹیکل 63 اے کی تشریح کے لیے سپریم کورٹ میں ریفرنس فائل کرنے کا فیصلہ کرلیا۔
حکومت نے فیصلہ کیا ہے کہ آرٹیکل 63-A کی تشریح کیلئے سپریم کورٹ میں آرٹیکل 186 کے تحت ریفرینس فائل کیا جائیگا، سپریم کورٹ سے رائے مانگی جائیگی کہ جب ایک پارٹی کے ممبران واضع طور پر ہارس ٹریڈنگ میں ملوث ہوں اور پیسوں کے بدلے وفاداریاں تبدیل کریں تو ان کے ووٹ کی قانونی حیئثت کیا ہے
— Ch Fawad Hussain (@fawadchaudhry) March 18, 2022
فواد چودھری کا ٹویٹ پیغام میں کہنا ہے پی ٹی آئی کے پارٹی اجلاس میں فیصلہ کیا گیا کہ سپریم کورٹ سے بکنے اور وفاداریاں بدلنے پر ارکان کے خلاف کارروائی کیلئے قانونی حیثیت پر رائے لی جائے گی۔
کیا ایسے ممبران جو اپنی وفاداریاں معاشی مفادات کے بوجوہ تبدیل کریں ان کی نااہلیت زندگی بھر ہو گی یا انھیں دوبارہ انتخاب لڑنے کی اجازت ہو گی؟ سپریم کورٹ سے درخواست کی جائیگی کے اس ریفرینس کو روزانہ کی بنیاد پر سن کر فیصلہ سنایا جائے۔
— Ch Fawad Hussain (@fawadchaudhry) March 18, 2022
انہوں نے مزید کہا کہ ہارس ٹریدنگ پر وفاداریاں بدلنے والے ارکان کی ناہلی تاحیات ہوگی یا دوبارہ الیکشن لڑنا ہو گا؟ سپریم کورٹ سے درخواست کی جائیگی کے اس ریفرینس کو روزانہ کی بنیاد پر سن کر فیصلہ سنایا جائے۔
