ہائیکورٹ کے فیصلے نے پنجاب کے سیاسی بحران میں مزید اضافہ کر دیا، فواد چودھری
اسلام آباد (92 نیوز) - پی ٹی آئی رہنماء فواد چودھری کا کہنا ہے ہائیکورٹ کے فیصلے نے پنجاب کے سیاسی بحران میں مزید اضافہ کر دیا ہے۔
اگر حمزہ وزیر اعلیٰ نہیں رہا تو نگران وزیر اعلی کے طور پر عثمان بزدار اپنے عہدے پر بحال ہیں اس اسمبلی میں نئے وزیر اعلیٰ کا انتخاب بہت مشکل ہے اب بھی نئے انتخابات ہی راستہ ہیں
— Ch Fawad Hussain (@fawadchaudhry) June 30, 2022
ٹویٹر پر جاری اپنے پیغام میں فواد چودھری کا کہنا ہے حمزہ کی حکومت برقرار نہیں رہی لیکن جو حل دیا گیا ہے اس کے نتیجے میں بحران ختم نہیں ہو گا۔
ہائیکورٹ کے فیصلے نے پنجاب میں سیاسی بحران میں مزید اضافہ کر دیا ہے، حمزہ کی حکومت برقرار نہیں رہی لیکن جو حل دیا گیا ہے اس کے نتیجے میں بحران ختم نہیں ہو گا ، اس فیصلے میں کئ خامیاں ہیں لیگل کمیٹی کی میٹنگ بلا لی ہےہائیکورٹ کے فیصلے میں خامیوں کو لے کرسپریم کورٹ سے رجوع کریں گے
— Ch Fawad Hussain (@fawadchaudhry) June 30, 2022
فواد چودھری نے کہا اس فیصلے میں کئی خامیاں ہیں لیگل کمیٹی کا اجلاس بلا لیا ہے، انہوں نے کہا ہائیکورٹ کے فیصلے کے خلاف سپریم کورٹ سے رجوع کریں گے۔
ادھر تحریک انصاف کے رہنماء ڈاکٹر شہباز گل کا کہنا ہےآج کے فیصلے کے بعد پنجاب اسمبلی تحلیل ہونے کے علاوہ کوئی چارہ نہیں۔
آج کے فیصلے کے بعد پنجاب اسمبلی تحلیل ہونے کے علاوہ اور کوئی چارہ نہیں۔ کیوں کہ 20 سیٹوں پر ضمنی الیکشن اس لئے ہو رہا ہے کہ لوگوں کو لوٹا کیا گیا۔ اب اگر یہ سب غلط تھا تو پھر اس اسمبلی کی کوئی حیثیت نہیں رہتی۔ فریش الیکشن کروائیں عوام کو فیصلہ کرنے دیں حکومت کس کی ہو گی۔
— Dr. Shahbaz GiLL (@SHABAZGIL) June 30, 2022
ٹویٹر پر اپنے پیغام میں شہبازگل نے کہا کہ نئے الیکشن کرائیں،عوام کو فیصلہ کرنے دیں حکومت کس کی ہو گی، انہوں نے کہا کہ لاہورہائیکورٹ کے فیصلے میں قانونی ابہام موجود ہے،غلط الیکشن کے نتیجے میں بننے والے وزیراعلی کو کام جاری رکھنے کا کہا جا رہا ہے۔
شہبازگل نے کہا ایک ہی حل ہے نیا الیکشن کرایا جائے۔
پی ٹی آئی رہنماء محمود الرشید کا کہنا ہے حمزہ شہباز غیرقانونی اور غیر آئینی طور پر اقتدار پر قابض رہے، ان کے تمام اقدمات بھی غیر قانونی ہیں۔
سابق صوبائی وزیر فیاض الحسن چوہان بولے ہم پہلے دن سے کہہ رہے تھے حمزہ شہباز کا انتخاب غیرآئینی ہے، فیصلے میں ابہام ہیں۔ حمزہ شہباز کو فائدہ پہنچانے کیلئے یہ سب کچھ ہورہا ہے، عدالتی فیصلے میں جلد بازی کی گئی ہے۔