غریب کا مسئلہ مہنگائی اور شہباز کا مسئلہ مری ہائی وے ہے، شیخ رشید

اسلام آباد (92 نیوز) - سربراہ عوامی مسلم لیگ شیخ رشید کا کہنا ہے غریب کا مسئلہ مہنگائی اور شہباز کا مسئلہ مری ہائی وے ہے۔

شیخ رشید نے ٹویٹ میں لکھا سپرٹیکس اور 40 ہزار دکانوں پر فکسڈ ٹیکس ظلم ہے۔ کفن اور قبر کا ریٹ تک دوگنا ہو گیا ہے۔ اب صرف سانس لینے پر ٹیکس لگنا باقی ہے۔ ملک کا سب سے بڑا مسئلہ سیاسی عدم استحکام ہے۔ سیاسی لوٹوں کی پیمنٹ ڈالروں میں ہوئی ۔

چین نے امداد فوج کے کہنے پر دی ہے شہباز کے کہنےپر100روپے نہیں ملتے۔ملک کاسب سے بڑا مسئلہ سیاسی عدم استحکام ہے۔15 روز سے غریب کے خلاف گلا گھونٹ بجٹ جاری ہےلیکنIMF ابھی بھی فیصلہ نہیں کر رہا،اب سانس لینے پر ہی ٹیکس لگنا باقی ہے۔جماعت اسلامی کی مہنگائی ٹرین مارچ کی حمایت کرتا ہوں۔

— Sheikh Rashid Ahmed (@ShkhRasheed) June 25, 2022

 شیخ رشید نے کہا ہر کوئی گوادر میں سنگ بنیاد رکھتا ہے لیکن تعمیرات نہیں کرنے دی جاتی۔ چین نے امداد فوج کے کہنے پر دی ہے۔ شہباز شریف کے کہنے پر 100روپے نہیں ملتے۔ غریب کے خلاف گلا گھونٹ بجٹ لیکن آئی ایم ایف ابھی بھی فیصلہ نہیں کر رہا۔ اب سانس لینے پر ہی ٹیکس لگنا باقی ہے۔