غریب ڈیفالٹ ہوگیا، ملک ڈیفالٹ ہونے کے دہانے پر ہے، شیخ رشید
راولپنڈی (92 نیوز) - سربراہ عوامی مسلم لیگ شیخ رشید کہتے ہیں کہ غریب ڈیفالٹ ہوگیا، ملک ڈیفالٹ ہونے کے دہانے پر ہے۔
اتوار کے روز اپنے ٹویٹ پیغام میں کہا کہ قوم کی نظریں سپریم کورٹ پر لگی ہوئی ہیں۔ عدالت عظمی کا فیصلہ ہی ملک بچا سکتا ہے۔
42فیصد مہنگائی بڑھ گئی جھانسی کی رانی کا18گاڑیوں کاشہانہ سیکورٹی سکوارڈبڑھ گیاغریب ڈیفالٹ ہوگیاہےملک ڈیفالٹ ہونےکےدہناےپرہےساری قوم کی نظریں سپریم کورٹ پرلگی ہوئی ہیں سپریم کورٹ کافیصلہ ہی ملک بچاسکتاہےحکمران سپریم کورٹ کوتقسیم کرکے1997کیتاریخ دہرانہ چاہتےہیں لیکن ناکام ہوں گے
— Sheikh Rashid Ahmed (@ShkhRasheed) February 26, 2023
شیخ رشید نے کہا کہ 90 روز میں انتخاب آئین اور قانون کی ریڈ لائن ہے، آئین اور قانون کی بالادستی قائم ہوگی تو معاشی اور اقتصادی استحکام آئے گا۔
سربراہ عوامی مسلم لیگ کا کہنا تھا کہ پی ڈی ایم فیصلہ کرلے انتخاب میں جانا ہے یا احتساب یاعذاب میں۔ انہوں نے مزید کہا کہ دیکھنا ہوگا کہ ملک کو سول نافرمانی کی طرف کون اور کیوں لے کر جا رہا ہے۔ اب عدالتوں پر حملہ ہوا تو لگ پتہ جائے گا۔