گورنرسندھ کامران ٹیسوری کا قرآن پاک کی تعلیم کو نصاب میں شامل کرنیکا اعلان
کراچی (92 نیوز) - گورنرسندھ کامران ٹیسوری نے قرآن پاک کی تعلیم کو نصاب میں شامل کرنے کا اعلان کردیا۔
گورنرسندھ کامران ٹیسوری نے وزیراعلیٰ سندھ مُراد علی شاہ کو نصاب میں قرآن پاک کی تعلیم شامل کرنے کیلئے خط بھی لکھ دیا۔
ہفتہ کے روز دعوت اسلامی کے مرکز فیضان مدینہ کا دورہ کرنے کے بعد میڈیا سے گفتگو میں کامران ٹیسوری بولے پہلی جماعت سے میٹرک تک مرحلہ وار قرآن مجید کی تعلیم کو نصاب میں شامل کریں گے۔
