Sunday, January 23, 2022
براہراست ٹی وی براہراست نشریات(UK) آج کا اخبار English News
English News آج کا اخبار
براہراست ٹی وی براہراست نشریات(UK)

گورنر پنجاب اور عثمان بزدار نے حکومت کے خاتمے کے دعوؤں کو طوطا مینا کی کہانی قرار دے دیا

گورنر پنجاب اور عثمان بزدار نے حکومت کے خاتمے کے دعوؤں کو طوطا مینا کی کہانی قرار دے دیا
January 12, 2022 ویب ڈیسک

لاہور (92 نیوز) گورنر پنجاب چودھری سرور اور وزیراعلی عثمان بزدار نے حکومت کے خاتمے کے دعوؤں کو طوطا مینا کی کہانی قرار دے دیا۔

وزیر اعلی پنجاب سردار عثمان بزدار کی گورنر ہاوس آمد ہوئی۔ گورنر چودھری محمد سرور سے ملاقات کی۔ ملاقات میں صوبے میں عوامی ترقی و خوشحالی کے لیے اقدامات کو مزید تیز کرنے پر اتفاق کیا گیا۔

گورنر پنجاب نے صوبے میں انصاف کارڈ کی فراہمی پر وزیر اعلی پنجاب کی کاوشوں کو سراہا۔ ملکی معاشی ترقی میں اپوزیشن کی رکاوٹوں کو غیر جمہوری اور غیر اخلاقی قرار دے دیا۔ انہوں نے کہا اپوزیشن کو ذاتی نہیں بلکہ ملکی اور عوامی مفادات کو ترجیح دینی چاہیے۔

وزیراعلی اور گورنر پنجاب نے دعویٰ کیا کہ حکومت اور وزیر اعظم عمران خان کہیں نہیں جا رہے۔ وزیراعلی عثمان بزدار نے کہا کہ اپوزیشن کی کہانی ختم ہو چکی، عوام عمران خان کیساتھ ہے۔ دو ہزار تیئس سے پہلے الیکشن کا خواب دیکھنے والے بس خواب ہی دیکھیں گے۔