گورنر بلیغ الرحمن نے پنجاب اسمبلی کا بجٹ اجلاس 13 جون کو طلب کر لیا
لاہور (92 نیوز) - گورنر بلیغ الرحمن نے پنجاب اسمبلی کا بجٹ اجلاس 13 جون کو طلب کر لیا۔
پنجاب کا بجٹ کون پیش کرے گا؟ اس حوالے سے نوٹیفکیشن ہونا باقی ہے۔ پنجاب حکومت کی جانب سے تاحال وزیر خزانہ کا نام فائنل نہیں کیا جا سکا۔ صوبائی وزیر خزانہ کی تعیناتی نہ ہونے کے باعث حکومت کو بجٹ تیاری میں مشکلات کا سامنا ہے ۔
ذرائع کے مطابق مسلم لیگ ن کی جانب سے میاں مجتبی شجاع الرحمن کا نام بطور وزیر خزانہ سامنے آیا ہے۔ ذرائع نے بتایا کہ کابینہ کے دوسرے مرحلے میں وزیر خزانہ کا بھی اعلان متوقع ہے۔