فیصل آباد کے حلقہ این اے ایک سو آٹھ میں ضمنی انتخاب، الیکشن کمیشن نے مزدور کارڈ کی افتتاحی تقریب سے روک دیا
فیصل آباد (92 نیوز) - فیصل آباد کے حلقہ این اے ایک سو آٹھ میں ضمنی انتخاب میں الیکشن کمیشن نے پنجاب حکومت کو مزدور کارڈ اور گرین فنڈ پروگرام کی افتتاحی تقریب سے روک دیا۔
الیکشن کمیشن نے مؤقف اپنایا کہ تقریبات کے انعقاد سے حلقہ میں شفاف ضمنی انتخاب کا انعقاد متاثر ہو سکتا ہے۔
ذرائع کے مطابق پی ٹی آئی نے پنجاب مزدور کارڈ کی تقریب کے متبادل مزدور کنونشن کروانے کا فیصلہ کر لیا۔ چیئرمین تحریک انصاف عمران خان کل مزدورکنویشن سے خطاب کریں گے۔ عمران خان کے دورے سے متعلق صوبائی وزیر عنصر مجید کی سربراہی میں مقامی رہنماؤں کی بیٹھک ہوئی۔ سرکٹ ہاؤس میں میٹنگ کے دوران مزدور کنوینشن کے انتظامات پر بات چیت ہوئی۔
الیکشن کمیشن کے نوٹس کے بعد محکمہ سوشل سکیورٹی نے بھی مزدور کارڈ کا اجراء منسوخ کر دیا۔
