Friday, June 21, 2024

فیفا ویمن ورلڈ کپ: آسٹریلیا کی فرانس، انگلینڈ کی کولمبیا کو ہرا کر سیمی فائنل میں رسائی

فیفا ویمن ورلڈ کپ: آسٹریلیا کی فرانس، انگلینڈ کی کولمبیا کو ہرا کر سیمی فائنل میں رسائی
August 12, 2023 ویب ڈیسک

برسبین (92 نیوز) - فیفا ویمن ورلڈ کپ کے کوارٹر فائنل میں آسٹریلیا کی ٹیم فرانس کو جبکہ انگلینڈ کی ٹیم کولمبیا کو شکست دے کر سیمی فائنل میں پہنچ گئیں۔

برسبین میں ہونے والے پہلے کوارٹر فائنل میں آسڑیلیا اور فرانس کے درمیان سنسنی خیز مقابلہ ہوا، میچ مقررہ اور اضافی وقت میں بغیر کسی گول کے برابر رہا، جس کے بعد میچ کا فیصلہ پینلٹی ککس پر ہوا جس میں آسٹریلیا نے فرانس کو سات چھ سے شکست دی۔

دوسرا کوارٹر فائنل سڈنی میں کھیلا گیا جس میں انگلینڈ نے سخت مقابلے کے بعد کولمبیا کو ایک کے مقابلے میں دو گول سے شکست دی۔ انگلینڈ کی لارین اور الیسیا روسو نے ایک ایک گول کیا، کولمبیا کی جانب سے واحد گول لیسی سینتوس نے کیا۔

میگا ایونٹ کا پہلا سیمی فائنل اسپین اور سویڈن کے درمیان 15 اگست کو جبکہ دوسرا سیمی فائنل آسٹریلیا اور انگلینڈ کے درمیان 16 اگست کو کھیلا جائے گا۔