کوئٹہ : بس پر فائرنگ سے چار خواتین ہلاک
کوئٹہ ((92نیوز) صوبائی دارالحکومت کوئٹہ میں مسافر بس پر فائرنگ سے چار خواتین ہلاک ہوگئیں ۔
تفصیلات کےمطابق کوئٹہ کے علاقے کیرانی روڈ پر زائرین کی بس پر دہشتگردوں نے حملہ کرتے ہوئے اندھا دھند فائرنگ کر دی ۔
اندھا دھند فائرنگ سے چار خواتین موقع پر ہلاک ہوگئیں جبکہ ان میں سے ایک شدید زخمی ہوگئی ہے ۔ واقعہ کی اطلاع ملتے ہی سکیورٹی فورسز نے علاقے کوگھیرے میں لے کر سرچ آپریشن شروع کر دیا ہے ۔
ذرائع کے مطابق لاشوں اور زخمی کو ہسپتال منتقل کر دیا گیا ہے دوسری طرف وزیراعلی بلوچستان ثنا اللہ زہری نے واقعے کی رپورٹ بھی طلب کر لی ہے۔