فواد چودھری کا الیکشن کمیشن کیخلاف توہین عدالت کی درخواست دائر کرنیکا اعلان
لاہور (92 نیوز) - رہنماء پی ٹی آئی فواد چودھری نے الیکشن کمیشن کے وارنٹ گرفتاری کو ہائیکورٹ کے فیصلے کی توہین قرار دے دیا۔
الیکشن کمیشن کا قابل ضمانت وارنٹ جاری کرنے کا فیصلہ ہائیکورٹ کے فیصلے کی توہین ہے، کیس کی تاریخ 17 جنوری گھی جس کو رولز کے خلاف آج مقرر کرکے فیصلہ دیا گیا یہ الیکشن کمیشن کے ان بونے ممبران کا ایک اور جانبدار فیصلہ ہے، اس فیصلے کے خلاف ہائیکورٹ میں توھین عدالت کا مقدمہ کریں گے
— Ch Fawad Hussain (@fawadchaudhry) January 10, 2023
پی ٹی آئی رہنماء فواد چودھری نے الیکشن کمیشن کے خلاف توہین عدالت کی درخواست دائر کرنے کا اعلان کردیا۔
فواد چودھری بولے کہ کیس کی تاریخ سترہ جنوری تھی، رولز کے خلاف آج مقرر کرکے فیصلہ سنایا گیا، آج الیکشن کمیشن کے ممبران نے ایک اور جانبدارانہ فیصلہ دیا۔
پاکستان کا معاشی بحران سیاسی بحران کے نتیجے میں پیدا ہوا،PDMحکومت چاہتی ہے کہ معاشی میثاق کے نام پر ان کی احمقانہ پالیسیوں کا بوجھ تحریک انصاف بھی اٹھائے یہ ممکن نہیں،ہم حکومت کی معاشی فیصلوں کو مسترد کرتے ہیں ان فیصلوں نےعوام کی کمر توڑ دی ہےالیکشن کرائیں انتقال اقتدارکریں
— Ch Fawad Hussain (@fawadchaudhry) January 10, 2023
اُن کا کہنا ہے کہ پاکستان کا معاشی بحران سیاسی بحران کے نتیجے میں پیدا ہوا، پی ڈی ایم حکومت چاہتی ہے کہ معاشی میثاق کے نام پر ان کی احمقانہ پالیسیوں کا بوجھ تحریک انصاف بھی اٹھائے یہ ممکن نہیں۔
فواد چودھری نے مزید کہا کہ ہم حکومت کی معاشی فیصلوں کو مسترد کرتے ہیں، ان فیصلوں نےعوام کی کمر توڑ دی ہے، الیکشن کرائیں انتقال اقتدار کریں۔
ادھر تحریک انصاف کے رہنماء حماد اظہر کا کہنا ہے کہ پی ٹی آئی الیکشن کمیشن کے فیصلے کے خلاف عدالت سے رجوع کرے گی۔ پہلے توہین آئی ایم ایف ہو گئی اب کہتے توہین الیکشن کمیشن ہو گئی ہیں۔
اُن کا کہنا ہے کہ عدالتیں ماضی میں بنیادی حقوق سے زیادہ توہین عدالت پر غور کرتی رہی ہیں، اصل اس ملک میں عوام کے مینڈیٹ کی توہین ہو رہی ہے، پہلے ایک لسٹ جاری کریں کس کس کی ملک توہین کرنا جرم ہیں۔
