ڈسٹرکٹ ایڈ سیشن کورٹ کا شہباز گل کا شناختی کارڈ اور اے ٹی ایم واپس کرنے کا حکم
اسلام آباد (92 نیوز) - ڈسٹرکٹ ایڈ سیشن کورٹ نے پی ٹی آئی رہنما شہباز گل کا شناختی کارڈ اور اے ٹی ایم واپس کرنے کا حکم دے دیا۔
اداروں کے خلاف بغاوت پر اکسانے کے کیس میں شہباز گل سیشن عدالت میں پیش ہوئے۔ تاخیر سے آنے پر عدالت نے شہباز گل کی سرزنش کی۔ عدالت نے شہباز گل کی درخواست منظور کر لی اور شہباز گل کا شناختی کارڈ، اے ٹی ایم اور دیگر اشیاء واپس کرنے کا حکم دے دیا۔ عدالت نے شہباز گل کی اکتیس اشیا میں سے جزوی اشیا واپس کرنے کا حکم دیا۔ سماعت گیارہ اکتوبر تک ملتوی ہو گئی۔
شہبازگل کا کہنا تھا انکی باتوں کو اپنی مرضی کا رنگ دیا گیا۔
