ڈپٹی اسپیکر کا بھیجا گیا مبینہ دھمکی آمیز مراسلہ سپریم کورٹ کو موصول
اسلام آباد (92 نیوز) - ڈپٹی اسپیکر کا بھیجا گیا مبینہ دھمکی آمیز مراسلہ سپریم کورٹ کو موصول ہو گیا۔
ذرائع کے مطابق سربمہر مراسلہ سیکرٹری چیف جسٹس پاکستان نے وصول کیا۔ وزیراعظم شہباز شریف مبینہ دھمکی آمیز مراسلہ پر خفیہ اداروں کے سربراہان سے پارلیمنٹ کے ان کیمرہ اجلاس میں بریفنگ لینے کا اعلان کر چکے ہیں۔ ڈپٹی اسپیکر نے گزشتہ روز مبینہ دھمکی آمیز مراسلہ چیف جسٹس کو بجھوانے کا اعلان کیا تھا۔
میری ہدایات پر قومی اسمبلی کی جانب سے بھیجوایاگیا خفیہ سیل شدہ مراسلہ جس میں واضح طور پر لکھاہواہے کہ عدم اعتماد کامیاب ہوئی تو معافی وگرنہ پاکستان کو سنگین نتائج کاسامناہوگا چیف جسٹس سپریم کورٹ آفس کو موصول ہوگیاہے، معزز عدالت عالیہ سےمیمو گیٹ طرز کمیشن بناکر انکوائری کی امیدہے۔ pic.twitter.com/oqdQ8QoD18
— Qasim Khan Suri (@QasimKhanSuri) April 12, 2022
قاسم سوری نے ٹویٹ میں لکھا میری ہدایات پر قومی اسمبلی کی جانب سے بھیجوایا گیا خفیہ سیل شدہ مراسلہ سپریم کورٹ آفس کو موصول ہوا گیا۔ خط میں واضح لکھا ہوا ہے کہ عدم اعتماد کامیاب ہوئی تو معافی وگرنہ پاکستان کو سنگین نتائج کا سامنا ہو گا۔ معزز عدالت عالیہ سے میمو گیٹ طرز کمیشن بنا کر انکوائری کی امید ہے۔