دورہ نیڈرلینڈز اور ایشیا کپ کیلئے قومی اسکواڈ کا اعلان

لاہور (92 نیوز) - دورہ نیڈرلینڈز اور ایشیا کپ کیلئے قومی اسکواڈ کا اعلان ہو گیا۔

نیدرلینڈز کے خلاف تین ون ڈے انٹرنیشنل میچز کے لیے 16 کھلاڑیوں کا انتخاب کیا گیا ہے۔ اے سی سی ٹی ٹونٹی ایشیا کپ کے لیے 15 کھلاڑیوں کا اعلان کیا گیا۔ حسن علی کو دونوں ٹورز سے آرام دیا گیا ہے۔ نسیم شاہ کو قومی اسکواڈز میں شامل کرلیا گیا ہے۔ کپتان بابر اعظم، نائب کپتان شاداب خان، عبداللہ شفیق، فخر زمان اور حارث رؤف قومی ون ڈے انٹرنیشنل اسکواڈ میں شامل کیئے گئے۔ امام الحق، خوشدل شاہ، محمد حارث، محمد نواز، محمد رضوان اور محمد وسیم جونیئر بھی دورہ نیدرلینڈز کا حصہ ہوں گے۔ نسیم شاہ، سلمان علی آغا، شاہین شاہ آفریدی، شاہنواز دھانی اور زاہد محمود بھی قومی ون ڈے انٹرنیشنل اسکواڈ کا حصہ ہیں۔

اے سی سی ٹی ٹونٹی ایشیا کپ کے لیے اعلان کردہ اسکواڈ کی قیادت بھی بابر اعظم کریں گے۔ نائب کپتان شاداب خان، آصف علی، فخر زمان، حیدر علی، حارث رؤف اور افتخار احمد قومی ٹی ٹونٹی اسکوآڈ کا حصہ ہوں گے۔ خوشدل شاہ، محمد نواز، محمد رضوان، محمد وسیم جونیئر اور نسیم شاہ بھی قومی ٹی ٹونٹی اسکواڈ میں شامل ہیں۔ شاہین شاہ آفریدی، شاہنواز دھانی اور عثمان قادر بھی ایشیا کپ کے لیے اعلان کردہ اسکواڈ میں شامل ہیں۔

منصور رانا ٹیم منیجر، ثقلین مشتاق ہیڈ کوچ، محمد یوسف بیٹنگ کوچ اور شان ٹیٹ باؤلنگ کوچ کی ذمہ داریاں نبھائیں گے۔ فیلڈنگ کوچ عبدالمجید، اسسٹنٹ ٹو ہیڈ کوچ شاہد اسلم، میڈیا اینڈ ڈیجیٹل منیجر ابراہیم بادیس اور ٹرینر ڈریکس سائمن بھی اسپورٹ اسٹاف کا حصہ ہیں۔ فزیو تھراپسٹ کلف ڈیکن، ٹیم اینالسٹ طلحہ اعجاز، مساجر ملنگ علی اور ڈاکٹر نجیب اللہ سومرو بھی اسکواڈ میں شامل کیئے گئے۔ کرنل (ر) آصف محمود دورہ نیدرلینڈز جبکہ کرنل (ر)محمد عمران اے سی سی ٹی ٹونٹی ایشیا کپ میں ٹیم کے سیکیورٹی منیجر ہوں گے۔