دہشتگردی کا عفریت اسلام آباد تک آ پہنچا اور نیرو بانسری بجا رہا ہے، فواد چودھری

اسلام آباد (92 نیوز) - رہنماء تحریک انصاف فواد چودھری کا کہنا ہے دہشت گردی کا عفریت اسلام آباد تک آ پہنچا ہے اور نیرو بانسری بجا رہا ہے۔

جمعہ کے روز پی ٹی آئی رہنماء نے ٹویٹ پیغام میں لکھا کہ اسلام آباد میں خودکش حملہ ہماری بند آنکھیں کھولنے کیلئے کافی ہونا چاہئے۔

فواد چودھری کا کہنا تھا کہ حکمران بندوق کے زور پر عوام پر مسلط کئے گئے ہیں جو عوام سے لا تعلق ہیں، اس وقت پوری حکومت اپنے لوٹ مار کے مقدمے ٹھیک کرنے میں مصروف ہے۔

وزیر اعلیࣿ بنانے اور ہٹانے کا اختیار عوام کے منتخب نمائندوں کے پاس ہے، گورنر اور چیف سیکرٹری نے اسمبلی کے ممبران کے استحقاق پر ڈھاکہ ڈالا ہے پنجاب اسمبلی گورنر اور چیف سیکرٹری کو طلب کرے اور اس غیر آئینی اقدامات پر دونوں کو رولز کے مطابق سزا دے تا کہ آئندہ کوئ ایسی جرآت نہ کرے

— Ch Fawad Hussain (@fawadchaudhry) December 23, 2022

انہوں نے کہا کہ وزیر اعلیٰ بنانے اور ہٹانے کا اختیار عوام کے منتخب نمائندوں کے پاس ہے۔ گورنر اور چیف سیکرٹری نے اسمبلی کے ممبران کے استحقاق پر ڈھاکہ ڈالا ہے۔ مزید کہا کہ پنجاب اسمبلی گورنر اور چیف سیکرٹری کو طلب کرے اور اس غیر آئینی اقدامات پر دونوں کو رولز کے مطابق سزا دے۔