ڈی جی رینجرکا شکرگڑھ سیکٹر کا دورہ ، پیشہ ورانہ تیاریوں کا جائزہ لیا
ڈی جی رینجرز پنجاب میجر جنرل عمر فاروق برکی نے شکرگڑھ سیکٹر کا دورہ کیا اور پنجاب رینجرز کی پیشہ وارانہ تیاریوں کا جائزہ لیا ڈی جی رینجرز نے ہر قسم کے حالات میں سینہ سپر رہنے والے جوانوں کی تعریف کی۔
شکرگڑھ سیکٹر پہنچنے پر سیکٹر کمانڈر بریگیڈیئر امجدحسین نے رینجرز کی آپریشنل تیاریوں کے متعلق اُنہیں بریفنگ دی۔ میجر جنرل عمر فاروق برکی کو بتایا گیا کہ پنجاب رینجرز کے بہادر جوان کسی بھی قسم کی جارحیت کا منہ توڑ جواب دینے کے لئے ہمہ وقت تیار ہیں۔ ڈی جی رینجرز نے اگلے مورچوں کا دورہ کیا اور رینجرز کے جوانوں سے بھی ملے ۔ اس موقع پر اُن کا کہنا تھا کہ پاکستان رینجرز پنجاب اپنے عزم پر قائم ہے۔