Saturday, May 21, 2022

کورونا سے مسلسل دوسرے دن کوئی انتقال نہ ہوا

کورونا سے مسلسل دوسرے دن کوئی انتقال نہ ہوا
March 24, 2022 ویب ڈیسک

اسلام آباد (92 نیوز) - کورونا سے مسلسل دوسرے دن کوئی انتقال نہ ہوا۔ مثبت کیسز کی شرح بھی ایک فیصد سے کمی رہی۔

این سی او سی کے مطابق کورونا کے دو سو دس نئے کیسز رپورٹ ہوئے۔ چار سو پینتالیس مریض انتہائی نگہداشت میں زیرعلاج ہیں۔

قبل ازیں این سی او سی (نیشنل کمانڈ اینڈ آپریشن سینٹر) نے کورونا کے حوالے سے تمام پابندیاں ختم کر دیں تھیں۔ وفاقی وزیر منصوبہ بندی اسد عمر کا کہنا تھا کورونا کیسز میں مسلسل کمی آ رہی ہے۔ 70 فیصد افراد کی ویکسی نیشن ہو چکی ہے۔ مارکیٹ، شادیوں، کھیل اور مذہبی حوالے سے پابندیاں ختم کر دی گئیں۔ صرف ویکسی نیشن کی پابندی لاگو ہو گی۔ ہم نے ایک قوم بن کر کورونا کا مقابلہ کیا۔