چیئرمین سینٹ نے اعظم سواتی کی مبینہ ویڈیو لیک کی تحقیقات کیلئے کمیٹی تشکیل دیدی

اسلام آباد (92 نیوز) - چیئرمین سینٹ صادق سنجرانی نے اعظم سواتی کی مبینہ ویڈیو لیک کی تحقیقات کے لیے چودہ رکنی خصوصی کمیٹی قائم کردی۔

چیئرمین سینٹ صادق سنجرانی کی جانب سے قائم کردہ کمیٹی کے ارکان کنوینر کا خود فیصلہ کریں گے، 30 روز میں رپورٹ پیش کرنے کی ہدایت کی گئی ہے۔

کمیٹی میں اعظم نذیر تارڑ، محسن عزیز، یوسف رضا گیلانی، مولانا غفور حیدری اور انوارالحق کاکڑ شامل ہیں۔ فیصل سبزواری، طاہر بزنجو، شفیق ترین، سینیٹر مشتاق، سینیٹر قاسم، مظفر شاہ، ہداہت اللہ، کامل علی آغا اور دلاور خان بھی کمیٹی کا حصہ ہیں۔