چینی صدر سے ملاقات میں سی پیک فیز ٹو کی تیزی پر اتفاق ہوا، وزیراعظم عمران خان
اسلام آباد (92 نیوز) وزیراعظم عمران خان کہتے ہیں کہ چینی صدر سے ملاقات میں سی پیک فیز ٹو کی تیزی پر اتفاق ہوا۔
چینی صدر شی چن پنگ سے آج ایک شاندار ملاقات کی۔ ہم نے اپنے باہمی اسٹریٹیجک اور اقتصادی تعلقات میں مزید وسعت لانے اور پاک چین اقتصادی راہداری منصوبے کے دوسرے مرحلے کو تیزی سے آگے بڑھانے پر اتفاق کیا۔ pic.twitter.com/wbUbvGnXTN
سوموار کے روز وزیراعظم نے ٹویٹ پیغام میں لکھا کہ پاکستان اور چین میں معاشی اور اسٹریٹجک تعلقات کو مزید وسعت دی جائے گی۔
وزیراعظم عمران خان کے دورہ چین کا تینتیس نکاتی مشترکہ اعلامیہ بھی جاری کردیا گیا۔ پاکستان نے ون چائنہ پالیسی، تائیوان اور تبت پر بیجنگ کی حمایت کا اعلان کردیا جبکہ ہانگ کانگ اور سنگکیانگ پر بھی چینی مؤقف کی حمایت کردی۔
