چین نے پاکستان کو 2 اعشاریہ 3 ارب ڈالر فراہم کردیئے، رقم اسٹیٹ بینک کو موصول
کراچی (92 نیوز) - چین نے پاکستان کو 2 اعشاریہ 3 ارب ڈالر فراہم کردیئے، اسٹیٹ بینک کو رقم موصول ہوگئی۔
ملکی معیشت کو سہارا مل گیا، چین کی جانب سے پاکستان کو 2 اعشاریہ 3 ارب ڈالر فراہم کردیئے گئے ہیں۔ اسٹیٹ بینک کو چین کی جانب سے رقم موصول ہو گئی ہے۔
چین کی جانب سے رقم ملنے سے زرمبادلہ ذخائر میں 2 اعشاریہ 3 ارب ڈالر کا اضافہ ہوگیا، اسٹیٹ بینک کے ذخائر 16 اعشاریہ 5 ارب ڈالر کی سطح پر آگئے۔
I am pleased to announce that Chinese consortium loan of RMB 15 billion (roughly $2.3 billion) has been credited into SBP account today, increasing our foreign exchange reserves.
— Miftah Ismail (@MiftahIsmail) June 24, 2022
وزیر خزانہ مفتاح اسماعیل نے سوشل میڈیا سائٹ ٹویٹر پر پیغام میں تصدیق کرتے ہوئے لکھا کہ مجھے یہ اعلان کرتے ہوئے خوشی ہو رہی ہے کہ چینی کنسورشیم سے 2 اعشاریہ 3 ارب ڈالر کا قرض آج اسٹیٹ بینک آف پاکستان کے اکاؤنٹ میں جمع کر دیا گیا ہے، جس سے ہمارے زرمبادلہ کے ذخائر میں اضافہ ہوگیا ہے۔
