بلاول بھٹو کا سیلاب متاثرین سے وعدے ایفا نہ ہونیکی صورت میں وزارت چھوڑنے کا عندیہ

کراچی (92 نیوز) - وزیرخارجہ بلاول بھٹو نے سیلاب متاثرین سے وعدے پورے نہ کرنے کا شکوہ کرتے ہوئے وزارت چھوڑنے کا عندیہ دے دیا۔

کراچی میں تقریب سے خطاب کرتے ہوئے انہوں نے کہا کہ افسوس ہے وفاقی حکومت نے سندھ کی مالی مدد نہیں کی،سیلاب متاثرین کی مدد نہ کی گئی تو وزارت برقرار رکھنا مشکل ہو جائے گا۔

بلاول بھٹو نے کہا کہ وفاقی حکومت کو سیلاب متاثرین کو ترجیحات میں رکھنا ہوگا، ایک بزدل شخص زمان پارک میں چھپ کر بیٹھا ہوا ہے، عوام کا مسئلہ مہنگائی ہے پیپلزپارٹی کو کردار ادا کرنا ہوگا۔