Thursday, February 29, 2024

بلاول بھٹو کا امریکا میں بیان ملک میں نئی جنگ کا آغاز ہوگا، شیخ رشید

بلاول بھٹو کا امریکا میں بیان ملک میں نئی جنگ کا آغاز ہوگا، شیخ رشید
December 22, 2022 ویب ڈیسک

راولپنڈی (92 نیوز) - سربراہ عوامی مسلم لیگ شیخ رشید نے کہا کہ بلاول بھٹو کا امریکا میں بیان ملک میں نئی جنگ کا آغاز ہوگا۔ 

جمعرات کے روز اپنے ٹویٹ پیغام میں انہوں نے کہا کہ بلاول غیر ملکی خواہشوں پر عمل درآمد کا عندیہ دے رہے ہیں، معاشی بحران کے ساتھ سیاسی بحران مزید گہرا ہوگیا۔

شیخ رشید نے کہا کہ اسمبلیاں چھوڑنا حق ہے، ڈالر مہنگا، اسٹاک مارکیٹ میں مسلسل مندی، 20 فیصد سے زائد مہنگائی، بل اور دوائیوں کے پیسے نہیں، کیسے چلے گا پاکستان؟

سربراہ عوامی مسلم لیگ نے مزید کہا کہ حکومت کی تبدیلی ملک اورعوام کے گلے پڑگئی ہے، انٹرنیشنل ایجنڈا سامنے آنا شروع ہوگیا ہے۔ آئینی بحران ملک کی جمہوریت کے لیےخطرہ ہے، ملک معیشت کی تباہی سے ٹوٹتے ہیں سرحدوں پر حملے سے نہیں۔ حکومت نام کی کوئی چیزنہیں، موت کے کنویں کی سرکس لگی ہوئی ہے۔ گورنرپنجاب ازخود ڈی نوٹیفکیشن کا فیصلہ آسانی سے نہیں کرسکتا۔