بجلی کے بھاری بلوں پر عوامی احتجاج، نگران وزیراعظم نے کل ہنگامی اجلاس طلب کرلیا
اسلام آباد (92 نیوز) - نگران وزیراعظم انوار الحق کاکڑ نے بجلی کے بھاری بلوں پر عوام کے سخت ردعمل پر کل ہنگامی اجلاس طلب کر لیا۔
نگران وزیراعظم انوار الحق کاکڑ کو اجلاس میں وزارت بجلی اور تقسیم کار کمپنیاں بریفنگ دیں گی۔ مجموعی پیداوار اور طلب کے علاوہ پیداواری ذرائع سے بھی آگاہ کیا جائے گا۔
بجلی کے بھاری بِلوں کے معاملے پر میں نے کل وزیر اعظم ہاؤس میں ہنگامی اجلاس طلب کر لیا ہے۔ اجلاس میں وزارت بجلی اور تقسیم کار کمپنیوں سے بریفنگ لی جائے گی اور صارفین کو بجلی کے بِلوں کے حوالے سے زیادہ سے زیادہ ریلیف دینے کے حوالے سے مشاورت کی جائے گی۔
— Anwaar ul Haq Kakar (@anwaar_kakar) August 26, 2023
نگراں وزیراعظم انوار الحق کاکڑ کہتے ہیں بجلی کے بھاری بِلوں کے معاملے پر میں نے کل وزیر اعظم ہاؤس میں ہنگامی اجلاس طلب کر لیا ہے۔ اجلاس میں وزارت بجلی اور تقسیم کار کمپنیوں سے بریفنگ لی جائے گی اور صارفین کو بجلی کے بِلوں کے حوالے سے زیادہ سے زیادہ ریلیف دینے کے حوالے سے مشاورت کی جائے گی۔
واضح رہے کہ بجلی کے بھاری بھرکم بلوں کے خلاف شہر شہر احتجاج کا سلسلہ جاری ہے، مظاہرین کی جانب سے حکومت کے خلاف نعرے بازی کی جا رہی ہے، چیف جسٹس اور آرمی چیف سے نوٹس لینے کا مطالبہ کیا گیا ہے۔
