Friday, June 21, 2024

بارکھان واقعہ، مری قبیلے کا چار روز سے جاری دھرنا ختم کرنے کا اعلان

بارکھان واقعہ، مری قبیلے کا چار روز سے جاری دھرنا ختم کرنے کا اعلان
February 24, 2023 ویب ڈیسک

کوئٹہ (92 نیوز) - بارکھان واقعہ پر مری قبیلے نے چار روز سے جاری دھرنا ختم کرنے کا اعلان کردیا۔

مری اتحاد کے جنرل سیکرٹری جہانگیر مری کہتے ہیں ان کے تمام مطالبات پورے ہو گئے۔ مغویوں کی بازیابی کے لئے آئی جی بلوچستان نے اہم کردار ادا کیا، کوئی اقدام قانون کے خلاف نہیں کریں گے۔

جہانگیر مری نے وزیراعلیٰ بلوچستان پر عدم اعتماد کا اظہار بھی کیا۔

ادھر مخالف گروپ نے دھرنا ختم کرنے کی مخالفت کردی، عبدالرحمان کھیتران کو ایف آئی آر میں نامزد کیے جانے تک دھرنا جاری رکھنے کا اعلان کردیا۔

گزشتہ روز خان محمد مری کی اہلیہ اور بچوں کو بازیاب کرایا گیا تھا۔