ازبکستان کے نائب وزیراعظم سرکاری دورے پر پاکستان پہنچ گئے

اسلام آباد (92 نیوز) - ازبکستان کے نائب وزیراعظم سرکاری دورے پر پاکستان پہنچ گئے۔

وفاقی وزیر نوید قمر نے ازبک نائب وزیراعظم کا اسلام آباد پہنچنے پر استقبال کیا، گلدستے پیش کیے۔

ازبک وفد وزیراعظم شہباز شریف سمیت اہم شخصیات سے ملاقات کرے گا۔ ملاقاتوں میں مختلف شعبوں میں دوطرفہ تعاون کو مزید مضبوط بنانے پر تبادلہ خیال کیا جائے گا۔ متعدد باہمی معاہدوں اور مفاہمتی یادداشتوں پر دستخط بھی متوقع ہیں۔