ایف اے ٹی ایف نے ہماری رپورٹ پر ایکشن پلان کو مکمل قرار دیا، عمران خان
اسلام آباد (92 نیوز) - چیئرمین پی ٹی آئی عمران خان نے کہا کہ ایف اے ٹی ایف نے ہماری رپورٹ پر ایکشن پلان کو مکمل قرار دیا۔
جمعہ کے روز ایف اے ٹی ایف اعلامیہ کے حوالے سے اپنے ٹویٹ پیغام میں انہوں نے لکھا کہ ایف اے ٹی ایف نے کئی بار ہمارے کام کی تعریف کی، اقتدار سنبھالا تو پاکستان کو بلیک لسٹ ہونے کا خطرہ تھا، ہم نے نہ صرف بلیک لسٹ ہونے سے بچایا بلکہ ایکشن پلان مکمل کیا۔ حماد اظہر کی سربراہی میں کوآرڈینیشن کمیٹی تشکیل دی جس میں تمام محکموں اور سکیورٹی ایجنسیوں کی نمائندگی تھی۔
عمران خان کا کہنا تھا کہ ایف اے ٹی ایف نے بارہا کام کی تعریف کی اور میری حکومت نے سیاسی عزم کا مظاہرہ کیا، ہم نے نہ صرف بلیک لسٹ ہونے سے بچا بلکہ 34 میں سے 32 ایکشن نکات کو بھی مکمل کیا۔ ہم نے اپریل میں باقی 2 نکات پر تعمیل رپورٹ پیش کی جس کی بنیاد پر ایف اے ٹی ایف نے اب پاکستان کے ایکشن پلان کو مکمل قرار دیا۔
FATF repeatedly praised work & the political will my govt demonstrated. We not only averted blacklisting, but also completed 32 out of 34 action items. We submitted compliance report on remaining 2 items in April based on which FATF now declared Pak's Action Plan as completed.
— Imran Khan (@ImranKhanPTI) June 17, 2022
