Friday, January 27, 2023

اسٹیبلشمنٹ وزیراعلیٰ پنجاب کے اعتماد کے ووٹ کے معاملہ پر نیوٹرل نظر نہیں آرہی، عمران خان

اسٹیبلشمنٹ وزیراعلیٰ پنجاب کے اعتماد کے ووٹ کے معاملہ پر نیوٹرل نظر نہیں آرہی، عمران خان
January 7, 2023 ویب ڈیسک

لاہور (92 نیوز) - چیئرمین پی ٹی آئی عمران خان کا الزام عائد کرتے ہوئے کہا کہ اسٹیبلشمنٹ وزیراعلیٰ پنجاب کے اعتماد کے ووٹ کے معاملہ پر نیوٹرل نظر نہیں آرہی۔

زمان پارک میں گفتگو کرتے ہوئے عمران خان بولے ہمارے لوگوں سے رابطہ کیا جا رہا ہے، اب تک تین ارکان اس حوالے سے بتا چکے ہیں۔

انہوں نے کہا کہ پرویز الہٰی اور ہم اتحادی ہیں، جنرل باجوہ کے بارے میں ان کا اور ہمارا مؤقف مختلف ہے، وہ ہمیں ہمارے مؤقف سے ہٹنے کیلئے نہیں کہہ سکتے۔

عمران خان نے مزید کہا کہ ہماری لڑائی اسٹیبلشمنٹ سے نہیں بلکہ انصاف کے حصول کیلئے ہے، چوروں سے مذاکرات نہیں ہوں گے، اقتدار میں آئے تو فوری بلدیاتی الیکشن کرائیں گے۔