اسرائیلی کھلاڑی سے ہاتھ ملانے پر ایرانی ویٹ لفٹر پر تاحیات پابندی عائد
تہران (92 نیوز) - ایران نے اسرائیلی کھلاڑی سے ہاتھ ملانے والے اپنے ویٹ لفٹر پر تاحیات پابندی لگا دی۔
غیرملکی میڈیا کے مطابق پولینڈ میں ہونے والی ورلڈ ماسٹر ویٹ لفٹنگ چیمپئن شپ میں ایران کے ویٹ لفٹر مصطفی راجائی دوسرے نمبر پر رہے جبکہ اسرائیلی کھلاڑی نے تیسری پوزیشن حاصل کی۔
مقابلے کے بعد دونوں کھلاڑیوں نے مصافحہ کیا اور تصاویر بھی بنوائیں، ایونٹ کی ویڈیو وائرل ہونے پر ایران کی ویٹ لفٹنگ فیڈریشن نے اس کو ناقابل معافی جرم قرار دیا اور مصطفی راجائی پر تاحیات پابندی لگا دی۔
