اصلی بجٹ ابھی آنا ہے پھر لگ پتہ جانا ہے، شیخ رشید
اسلام آباد (92 نیوز) - سربراہ عوامی مسلم لیگ شیخ رشید کا کہنا ہے اصلی بجٹ ابھی آنا ہے پھر لگ پتہ جانا ہے، جولائی میں بجلی اور گیس کے بل آئیں گے تو قیامت ڈھائیں گے۔
ملک افواہوں کی زد میں ہے۔جولائی میں بجلی،گیس کے بل آئیں گے تو قیامت ڈھائیں گے۔اوورسیز پاکستانی سے ووٹ کا حق چھیننا اور نیب قوانین میں اپنے کیسز کے لیے ترمیم کرنا قومی جرم ہے۔کرپٹ اور چور ملزموں اور مجرموں کو مسلط کر دیا گیا ہے۔ہر شخص موبائل فون پر ہے،اس کی رائے کا احترام لازم ہے۔
— Sheikh Rashid Ahmed (@ShkhRasheed) June 23, 2022
اُنہوں نے ٹویٹ پیغام میں کہا کہ معیشت وینٹی لیٹر پر اور سیاسی نظام آئی سی یو میں میں ہے، اوورسیز پاکستانیوں سے ووٹ کا حق چھیننا اور نیب قوانین میں ترمیم کرنا قومی جرم قرار دے دیا۔ سامراجی اعلامیےکےغلط اندازے نے ن لیگ کی سیاست اسٹیبلشمنٹ اورعدلیہ کے وقار کوسخت نقصان پہنچایا ہے۔
مشرف کا پاکستان آنے سے انکار نوازشریف کی پاکستان آنےکی رکاوٹ بن گیا۔معاون خصوصی کا جمعہ بازار لگاہے۔ابھی اصلی بجٹ آنا ہےتوپھر لگ پتا جانا ہے۔معیشت وینٹیلیٹر پراورسیاسی نظامICU میں ہے۔سامراجی اعلامیےکےغلط اندازے نے ن لیگ کی سیاست اسٹیبلشمنٹ اورعدلیہ کے وقار کوسخت نقصان پہنچایا ہے۔
— Sheikh Rashid Ahmed (@ShkhRasheed) June 23, 2022
شیخ رشید کا کہنا تھا کہ معاون خصوصی کا جمعہ بازار لگا ہے، کرپٹ اور چور ملزموں اور مجرموں کو مسلط کر دیا گیا ہے۔ ہمیں کم چائے پینے، آدھی روٹی کھانے کا مشورہ دینے والے خود اپنے گھروں کی زیبائش کے لیے اضافی بجٹ لیتے ہیں۔ اتحادی پارٹیوں میں دوریاں پیدا ہونا شروع ہو گئی ہیں۔ ن لیگ کو سیاسی گڑھے میں پھینک کر پیپلز پارٹی خود رفو چکر ہو گئی ہے۔
