اسد عمر نے شہباز شریف کی پاک فوج سے متعلق پی ٹی آئی پر تنقید مسترد کردی
اسلام آباد (92 نیوز) - وفاقی وزیر اسد عمر نے شہباز شریف کی پاک فوج کے حوالے سے پی ٹی آئی پر تنقید مسترد کردی۔
وفاقی وزیر اسد عمر نے میڈیا سے گفتگو کرتے ہوئے اپنے ردعمل میں کہا کہ سوشل میڈیا کے جعلی اکاؤنٹس بنا کر تحریک انصاف کا لوگو لگایا گیا اور پاک فوج کے خلاف باتیں کی گئیں۔
اُنہوں نے مزید کہا کہ شہبازشریف سے کہتا ہوں آپ کو سوشل میڈیا پر پاک فوج کے خلاف چلنے والی چیزیں تو نظر آگئیں لیکن جب جلسوں میں آپ کا بھائی اور بھتیجی پاک فوج پر نام لے لے کر حملے کررہی تھیں وہ آپ کو نظر کیوں نہیں آئے؟۔