اقتدار سے نکالے جانے پر خطرناک ہونے کی بات گیدڑ بھبکی کے سوا کچھ نہیں، مریم نواز
اسلام آباد (92 نیوز) نون لیگ کی رہنما مریم نواز کا کہنا ہے اقتدار سے نکالے جانے پر خطرناک ہونے کی بات گیدڑ بھبکی کے سوا کچھ نہیں۔
مریم نواز نے ٹویٹر پیغام میں لکھا عمران خان، رونے دھونے کا کوئی فائدہ نہیں، سامان اٹھائیں اور چلتے بنیں۔
انہوں نے کہا عمران خان عبرت ناک شکست کھا چکے۔ جتنی دیر اقتدار سے چپکے رہیں گے اپنی اور عوام کی مشکلات میں اضافہ کریں گے۔
عمران خان صاحب، اب رونے دھونے اور ڈرامہ کرنے کا کوئی فائدہ نہیں۔ سامان اٹھائیں اور چلتے بنیں۔ جتنی دیر آپ اقتدار سے چپکے رہیں گے اپنی اور عوام کی مشکلات میں مزید اضافے کا باعث بنیں گے۔ آپ عبرت ناک شکست کھا چکے ہیں۔
— Maryam Nawaz Sharif (@MaryamNSharif) January 23, 2022
آپ کی دھمکیاں کہ اقتدار سے نکالا گیا تو مزید خطرناک ہو جاؤں گا گیدڑ بھبکیوں کے سوا کچھ نہیں۔ جس دن آپ اقتدار سے نکلے عوام شکرانے کے نفل پڑھیں گے۔ نا آپ نواز شریف ہیں جس کے پیچھے عوام کھڑی تھی نا ہی آپ بیچارے اور مظلوم ہیں۔ آپ سازشی ہیں اور مکافات عمل کا شکار ہوئے ہیں۔
— Maryam Nawaz Sharif (@MaryamNSharif) January 23, 2022
واضح رہے کہ عوام کے سوالوں کے براہ راست جواب دیتے ہوئے وزیراعظم عمران خان کا کہنا تھا کہ حکومت سے نکل گیا تو موجودہ اپوزیشن سے زیادہ خطرناک ثابت ہوں گا۔ وہ حکومت میں بیٹھ کر ان کے تماشے دیکھتے رہتے ہیں۔ اگر وہ سڑکوں پر نکل آئے تو انہیں چھپنے کی جگہ نہیں ملے گی۔ عوام مہنگائی سے تنگ ہیں لیکن اپوزیشن کی چوری بچانے کیلئے نہیں نکلیں گے۔ جو لندن بھاگا ہے وہ کبھی واپس نہیں آئے گا کیونکہ اسے پیسے سے پیار ہے۔ پارٹی کو متحد رکھنے کیلئے واپسی کا شوشہ چھوڑتا ہے۔
