انصاف کے نام پر دھوکا دینے والوں کا بھانڈہ بیچ چوراہے پھوٹ چکا، مریم نواز
![انصاف کے نام پر دھوکا دینے والوں کا بھانڈہ بیچ چوراہے پھوٹ چکا، مریم نواز](https://urdu.92newshd.tv/wp-content/uploads/2022/01/04175618_27.webp)
اسلام آباد (92 نیوز) نائب صدر مسلم لیگ ن مریم نواز کا کہنا ہے انصاف کے نام پر دھوکا دینے والوں کا بھانڈہ بیچ چوراہے پھوٹ چکا ۔
اسکروٹنی کمیٹی کی رپورٹ پر مریم نوازنے ردعمل دیتے ہوئے کہا چور چور کہنے والے کی تلاشی ہوئی۔ اس کا بال بال چوری میں ڈوبا نکلا۔ کیا پاکستان کی تاریخ میں عمران خان جیسا کرپٹ، جھوٹا اور سازشی حکمران آیا؟
انصاف کے نام پر پاکستان کو دھوکہ دینے والے عمران خان کا بھانڈہ بیچ چوراہے پھوٹ چکا ہے۔ کون جانتا تھا ثاقب نثار کے ًصادق و امینً کا چہرہ اتنا بھیانک نکلے گا! اس بھیانک چہرے پر پردہ ڈالے رکھنے پر الیکشن کمشن کے سابق عہدیدار بھی جوابدہ ہیں۔
— Maryam Nawaz Sharif (@MaryamNSharif) January 4, 2022
انہوں نے کہا پہلے فنڈز کے نام پر مال اینٹھا،عیاشی کی اور پھر جھوٹ پر جھوٹ بولا۔ عمران خان نے چوری کی، چھپائی، عوام کی جیبوں پر ڈاکہ ڈالا۔ عمران خان نے عوام کی محنت اور خون پسینے کی کمائی پر عیش کی۔ پہ درپہ انکشافات تحریک انصاف کو فارغ کرنے کیلئے کافی ہیں۔ اتنے سنگین فراڈ اور اسکینڈل تاریخ میں کسی جماعت کے نہیں آئے۔ کون جانتا تھا صادق اور امین کا چہرہ اتنا بھیانک نکلے گا۔
عمران خان نے نا صرف چوری کی اور چھپائی بلکہ عوام کی جیبوں پر ڈاکہ ڈالا اور انکی محنت اور خون پسینے کی کمائی پر عیش کی۔ پے درپے انکشافات،لیکس اور ثبوتوں کےانبار عمران سمیت پوری پی ٹی آئی کو فارغ کرنے کے لیے کافی ہیں،اتنے سنگین فراڈ اور سکینڈل تاریخ میں کسی جماعت کے نہیں آئے
— Maryam Nawaz Sharif (@MaryamNSharif) January 4, 2022