انصاف کا معیار فواد چودھری کیلئے الگ سے نہیں، عطاء تارڑ

لاہور (92 نیوز) - وزیر اعظم کے معاون خصوصی عطاء تارڑ نے کہا ہے انصاف کا معیار فواد چودھری کیلئے الگ سے نہیں ہے، ان کے خلاف قانون کے مطابق کارروائی عمل میں لائی جائے گی۔

بدھ کے روز میڈیا سے گفتگو کرتے ہوئے انہوں نے کہا کہ ہمارا بیانیہ واضح ہے کسی کے خلاف سیاسی انتقامی کارروائی نہیں کی جائے گی۔ توشہ خانہ کا ٹرائل ہے، فارن فنڈنگ کیس ہے، عدالت میں پیش نہیں ہوتے، غیر قانونی اقدامات کے خلاف کیسز میں بغیر سنے ریلیف دیں گے تو پھر باقیوں کا کیا قصور ہے۔

عطاء تارڑ بولے کہ ماضی میں ہماری ضمانت کی درخواستیں 2، 2 سال نہیں سنی گئیں، ایسا کیا ہوا کہ فوری کیس لگا کر دو آئی جیز کو طلب کرلیا گیا۔