انگلش کھلاڑی جو روٹ نے تھوک سے گیند چمکانے پر پابندی کا توڑ نکال لیا

راولپنڈی (92 نیوز) - انگلش کرکٹر جو روٹ نے گیند کو تھوک سے چمکانے پر پابندی کا توڑ نکال لیا۔

جو روٹ نے ساتھی کرکٹر لیچ کے سر کے پسینے سے گیند چمکائی، روٹ نے لیچ کے سر پر کم بالوں والے حصے پر گیند لگائی اور چمکاتے ہوئے خاموشی سے آگے بڑھ گئے، اس حرکت پر کمنٹیٹرز بھی خوب محظوظ ہوئے۔

واضح رہے کہ آئی سی سی کی جانب سے کورونا وائرس کے پھیلاؤ کے سبب گیند چمکانے کے لیے لعاب دہن لگانے پر پابندی ہے۔