امریکی ریاست نیو میکسیکو میں 4 مسلمانوں کا قتل، مشتبہ ملزم گرفتار

نیو میکسیکو (92 نیوز) - امریکی ریاست نیو میکسیکو میں 4 مسلمانوں کے قتل میں مشتبہ ملزم گرفتار ہو گیا۔

میڈیا رپورٹس کے مطابق نیو میکسیکو میں پے در پے واقعات کے دوران 2 پاکستانیوں سمیت جنوبی ایشیا سے تعلق رکھنے والے 4 مسلمانوں کو قتل کیا گیا۔ نعیم حسین کو 5 اگست، افضل حسین کو یکم اگست، آفتاب حسین کو 26 جولائی اور محمد نامی شخص کو گولی ماری گئی تھی۔ نعیم اور افضل حسین کا تعلق پاکستان جبکہ آفتاب حسین اور محمد احمدی کا تعلق افغانستان سے تھا۔