امریکی اٹارنی جنرل کی سابق صدر ٹرمپ کے گھر چھاپے کی تصدیق
واشنگٹن (92 نیوز) - امریکی اٹارنی جنرل گارلینڈ نے سابق صدر ڈونلڈ ٹرمپ کے گھر چھاپے کی تصدیق کردی۔
امریکی اٹارنی جنرل گارلینڈ نے کہا ہے کہ ایف بی آئی سابق صدر ڈونلڈ ٹرمپ سے تفتیش کر رہی ہے اور ان کی جائیداد کی تلاشی لی ہے۔
سابق صدر کے مار اے لاگو ریزورٹ کی تلاشی کا مقصد ان کاغذات کا حصول ہے جو ٹرمپ دفتر چھوڑتے وقت اپنے ساتھ لے گئے۔ گارلینڈ نے کہا کہ انہوں نے ذاتی طور پر تلاشی کا حکم دینے کے فیصلے کی منظوری دی۔