امریکا کی اسلام آباد میں دھماکے کی شدید مذمت، انسانی جانوں کے ضیاع پر اظہارِافسوس

واشنگٹن (92 نیوز) - امریکا نے اسلام آباد میں دھماکے کی شدید مذمت کی ہے۔ انسانی جانوں کے ضیاع پر افسوس کا اظہار کیا ہے۔

ترجمان امریکی محکمہ خارجہ کا کہنا ہے کہ اسلام آباد اور دیگرحملوں میں جانوں کے ضیاع پر افسوس ہے۔ نیڈ پرائس نے کہا ہےکہ سکیور ٹی معاملات پر پاکستانی شراکت داروں سے رابطے میں ہیں۔

امریکا ہر قسم کی دہشت گردی کے خلاف پاکستان کے ساتھ ہے۔ دہشت گردوں سے نمٹنے کے لیے ہر ممکن امداد فراہم کرنے کو تیار ہیں۔