امریکا کے افغان طالبان کے ساتھ دوحہ میں مذاکرات منسوخ
دوحہ (92 نیوز) - امریکا نے افغان طالبان کے ساتھ دوحہ میں مذاکرات منسوخ کر دئیے۔
ترجمان امریکی محکمہ خارجہ کا کہنا ہے امریکا نے طالبان کے ساتھ اقتصادی مسائل کے حل کے لئے مذاکرات طے کئے تھے۔ افغانستان میں لڑکیوں کے تعلیمی ادارے کھولنے کا فیصلہ واپس لینے پر مذاکرات منسوخ کئے گئے۔ طالبان کا لڑکیوں کے تعلیمی ادارے نہ کھولنے کا فیصلہ مایوس کن ہے ۔ مذاکرات آج ہفتے اور اتوار کو قطر میں ایک کانفرنس کے موقع پر ہونے تھے ۔ کانفرنس میں اقوام متحدہ اور ورلڈ بینک کے نمائندے بھی شامل ہو نگے۔