الیکشن کمیشن سے عمران خان کے وارنٹ گرفتاری اسلام آباد پولیس کو موصول

اسلام آباد (92 نیوز) - الیکشن کمیشن سے عمران خان کے وارنٹ گرفتاری اسلام آباد پولیس کو موصول ہوگئے۔

وارنٹ آئی جی اسلام آباد کی لیگل برانچ کو موصول ہوئے۔ عمران خان کی گرفتاری کیلئے اسلام آباد پولیس کے اعلیٰ افسران نے ایک بار پھر سر جوڑ لیے۔ الیکشن کمیشن نے گزشتہ روز عمران خان کے وارنٹ گرفتاری جاری کیے تھے۔

ادھر اداروں کے خلاف بیان کے مقدمہ میں کوئٹہ پولیس عمران خان کے وارنٹ گرفتاری لے کر لاہور کے لیے روانہ ہوگئی۔