الیکشن کمیشن پنجاب نے ضمنی انتخابات میں ووٹر لسٹوں میں تبدیلی کا الزام مسترد کردیا

لاہور (92 نیوز) - الیکشن کمیشن پنجاب نے ضمنی انتخابات میں ووٹر لسٹوں میں تبدیلی کا الزام مسترد کردیا۔

الیکشن کمشنر پنجاب نے کہا پنجاب کے 20 حلقوں میں 17 جولائی کو ہونیوالے انتخابات پرانی حتمی انتخابی فہرستوں پر ہو رہے ہیں۔ انتخابی شیڈول کے اعلان کے بعد انتخابی فہرست منجمد کر دی جاتی ہے۔

اُنہوں نے کہا کہ شیڈول کے اعلان کے بعد ووٹر لسٹ میں تبدیلی نہیں کی جاسکتی، ووٹ اندراج کے بیانات بے بنیاد اور حقیقت کے برعکس ہیں۔ یہ سراسر پروپیگنڈا، عوام کو گمراہ کیا جا رہا ہے۔ مزید کہا کہ الیکشن کمیشن 20 ضمنی حلقوں میں دیگر اداروں کے تعاون سے شفاف الیکشن کے انعقاد کیلئے پر عزم ہے۔