رانا ثنا اللہ صاحب اپنی اوقات کے مطابق بات کیا کریں، فوادچودھری
اسلام آباد (92 نیوز) – تحریک انصاف کے رہنماء فواد چودھری کہتے ہیں کہ رانا ثنا اللہ صاحب اپنی اوقات کے مطابق بات کیا کریں۔
اتوار کے روز ٹویٹر پر جاری اپنے پیغام میں کہا آپ تھانہ کوہسار کے ایس ایچ او ہیں اس سے زیادہ آپ کی حیثیت نہیں۔ راناصاحب بہادر آپ اتنے ہیں جب سے حکومت تبدیل ہوئی آپ فیصل آباد نہیں گئے۔ امپورٹڈ حکومت کا مقصد الیکشن سے فرار ہے، کیونکہ انتخابات ہوئے تو عمران خان دوتہائی نشستیں حاصل کرلے گا۔
رات 11 بجے الیکشن کمیشن تحریک انصاف کی فنڈنگ کا ریکارڈ دینے کیلئے اجلاس بلا سکتی ہے لیکن پیپلز پارٹی، جمیعت نون لیگ کے فنڈنگ کیس کو فریزر میں لگایا ہوا ہے،عاشورہ کے بعد پندرہ دن کے اندرفنڈنگ کیسزکا فیصلہ ہونا چاہئے تا کہ عوام کو ایک موازنہ ملے کہ سیاسی جماعتیں کیسے فنڈنگ کرتی ہیں
— Ch Fawad Hussain (@fawadchaudhry) August 6, 2022
فواد چودھری کہتے ہیں الیکشن کمیشن نے رات 11 بجے تحریک انصاف کی فنڈنگ کا ریکارڈ دینے کیلئے اجلاس بلایا۔ الیکشن کمیشن نے پیپلز پارٹی، جمعیت، ن لیگ کے فنڈنگ کیس کو فریزر میں لگایا ہوا ہے۔ کہا کہ عاشورہ کے بعد 15 دن کے اندر فنڈنگ کیسز کا فیصلہ ہونا چاہئے۔ فیصلہ کریں تا کہ عوام کو ایک موازنہ ملے، سیاسی جماعتیں کیسے فنڈنگ کرتی ہیں۔